Процената на куќа има повеќе елементи
За разлика од стан, кај куќа често треба одделно да се согледаат градежниот објект, дворното или друго земјиште, помошните објекти и нивниот правен статус. Важни се површината на парцелата, изградената површина, катноста, пристапот, инфраструктурата и фактичката состојба.
Се проверува дали податоците од документацијата се усогласени со имотот што реално се користи. Доградби, помошни простории, гаражи и други делови може да имаат различно влијание врз вредноста во зависност од нивната состојба и евидентираност.
На што се обрнува внимание?
- локација и големина на земјиштето
- површина, катност и функционалност на куќата
- старост, конструкција, квалитет и одржување
- пристап, комунална инфраструктура и околина
- помошни објекти и дополнителни содржини
Документација
Проценка на куќа може да биде потребна за кредит, продажба, наследство, поделба на имот, осигурување или за потреби на амбасада и други институции. Корисно е да се достават имотен лист, катастарски податоци и, ако постојат, основа или друга техничка документација. За точна идентификација најчесто се врши увид и фотографирање.