Како се утврдува вредноста на стан?
Кај станбените недвижности најчесто постојат доволно пазарни податоци за споредба, но два стана со иста квадратура не мора да имаат иста вредност. Се анализираат населбата и микролокацијата, катот, ориентацијата, состојбата на станот и зградата, лифтот, паркингот, дополнителните површини и квалитетот на изведбата.
Посебно внимание се посветува на податоците од имотниот лист и на фактичката состојба. Ако постојат тераса, лоѓа, подрум, гаража или паркинг место, нивното влијание се разгледува според видот и правниот статус.
Процена за станбен или хипотекарен кредит
Кога проценката е потребна за кредитирање, извештајот треба јасно да го идентификува имотот и да ја образложи проценетата вредност. Проценка на стан може да биде потребна и при наследство, поделба на имот, осигурување или за потреби на амбасада и други институции. На почеток испратете имотен лист, основни информации за станот и фотографии ако ги имате. Потоа се утврдува дали е потребен дополнителен увид.
Кои податоци помагаат за побрза постапка?
- имотен лист и точна адреса
- површина, кат и број на стан
- информација за лифт, паркинг, подрум или тераса
- година и состојба на зградата
- фотографии од станот и заедничките простории